Дўстим Сирожиддинга мактуб
Прагада баҳор ўз номини яшатишга уринмоқда. Гарчи тунлари совуқ ¸ гарчи кечагина қор гупиллаган бўлсада.
Бахор шунчаки фасл номи. Қиш ва ëз ўртасидаги бир муваққат кўприк. Қахратон совуқдан жазирама ëзга ўтиш йўлидаги адаптация йўлаги деймизми.
Прага калимаси ëнига баҳор сўзи тиркалган он сиëсий мазмун касб этади. Лекин мен хозир бу калимани табиий маъносидагина истеъфода қилмоқдаман.
Бугун 3 апрель ¸ баҳор бошланганига 33 кун бўлса ҳам кунлар илимади.. Бу шаҳарга 2001 йилнинг совуқ декабрида илк бора келган эдим.
Ҳали эгнимда Хоразмда сотиб олганим кийимлар бор эди. Ҳали мен Урганч вақти билан яшашда давом этаëтган эдим. Прага мен учун навбатдаги темир йўл турори эди. Ўзбекистондан келтирган кийимларим солинган жомадонни Прагада ўғирлаб кетишганида ҳам мени жомадон кайфияти тарк қилмаган эди.
Мен ҳудди рейси кечиккани учун қўналғада кутишга маҳкум учоқ йўлчиси каби ҳис қилар эдим ўзимни.
Ўзбекистондан кийиб келганим жўроплар йиртилиб адо бўлиб¸ кийимлар ўғри урган жомадонга қўшилиб бадар кетар экан мен ҳам аста секин Прага сокинига айланиб сокинлашдим.
Бу шаҳарга келиб мамлакатини соғинган бир менми? Масалан 1958 йил баҳорида бу шаҳарда мен севган шоир Нозим Ҳикмат ўзининг "Мамлакатим" шеърини ëзган эди.
Мамлакатим¸ мамлакатим .. Сен энди фақат сочларимнинг оқида¸ юрагимдаги инфарктларда¸ пешонамдаги чизиқлардагина қолдинг.
Мамлакатим мамлакатим....
Комментариев нет:
Отправить комментарий