Асранди ўғилдан қутулиш ҳикояси

Асранди ўғилдан қутулиш ҳикояси

Қайиқ ичида уч киши. Ота ва унинг икки ўғли. Ўғиллардан бири асраб олинган.

Отанинг ëши элликларда. Икки ўғил тенгқур. Улар 19 ëшда.

Қирғоғи кўринмайдиган улкан кўл узра сузаëтган қайиқда ўғилларига тескари қараб ўтирган ота бор кучи билан эшкак эшади.

Ота асранди ўғлини кўлга чўктириш учун йўлга чиққан.

Сал ўтмай уйқу дориси таъсир қиган асранди ўғилнинг кўзи илинади.

Ухламаган ўғил эса уни қўлини арқон билан чандиб боғлайди.

Ота асранди ўғлини оëғига тош бойлаб бирдан чўктириб юборишга кўзи қиймайди.

Қайиқ қирғоқ кўринадиган жойга яқинлашмоқда. Ота қайиқ тубидаги тешикка қоқилган қозиқни суғуриб олади.

Ота ва ўғил кемадан ўзларини сувга отиб сузиб кетишади.

Кимсасиз кўл узра ичи тобора сувга тўлиб чўкаëтган қайиқ. Қайиқ ичида қўли боғлиқ тарзда ухлаëтган асранди ўғил.

Асранди ўғил сув тагида ўзига келади. Чўкаëтган йигит жон талвасасида чирпинади.

Шу пайт сув остида у кимнингдир ҳалоскор қўлини ҳис қилади. Бу исмсиз ҳалоскор уни судраб кўл узра сузар эди.

Асранди ўғил қирғоқда ўқчиб ëтибди. Ҳалоскор эса унинг қўлидаги ивиб кетган арқонни ечишга уринмоқда.

Кўл узра ботаëтган қуëш нури фонида соҳилдаги икки киши қорайибгина кўринади.

Атрофда бошқа ҳеч ким йўқ.